Saraakiil Itoobiyaan ah ayaa maanta soo gaaray magaalada Xudur.

 

Buluugleey.com 03/30/05.

Waxaa maanta magaalada Xudur soo gaaray saraakiil Itoobiyaan ah  si ay ula kulmaan  xildhibaano ka tirsan Dawladda Federalaalka ee Soomaaliya. Xildibaanada iyo saraakiisha oo yeeshay shir albaada u xiran baa la filayaa inay arrimaha dhoor ka wada hadlaan gaarahaan  sidii ay uga qeybqaadan lahaayeen dagaalada ka soo cusboonaaday  Gobollada Bay iyo Bakool. Saraakiisha Itobiyaanka ah waxaa iyaguna la filayaa inay la saftaan malleshiyada Col. Shaati-guduud oo dhawaantaan xoog lagaga soo saaray Magaalada Baydhabo markii ay ka  gacan sareeyayeen ciidanka  Maxamed I. Xaabsade.


Dawladda Federaalka Soomaaliyeed ee dhawaantan lagu soo dhisay dalka Kenya baa rajadii laga qabay inay  dib-u-heshinsiin dhex-dhigto umadda Soomaaliyeed ee colaadaha 14ka sanadood aafeey baa aad u yar.

Cali Shiino, Xudur