Dagaal culus ayaa ayaa bartamaha magaalda Beledweyne ka qarxay

 Buluugleey June 6, 2005

Dagaal culus oo laysku adeegsadey hubka noocyadiisa kala duwan ayaa manta ka dhacay bartamaha magaalada Beledweyne. Dagaalku wuxuu u dhaxeeyaa labadii beelood ee dhawaantan ku dagaalamayey tuulada Bir Maroodi. Dagaalkan maanta qarxay ayaa weli la ogeyn inta uu qasaara geystay, inkasta oo la xaqiijiyay  in ay ku dhintyeen 6 qoofood oo ay ka mid yihiin hooyo iyo saddexdeeda caruur.

Xaaladda magaalada Beledweyne ayaa lagu soo waramayaa in weli rasaastu si goos-goos uga dhaceyso, isku socodka gaadiidkuna uu joogsaday, dad aad u fara badan aya waxay u qaxaan dhinaca galbeedka magaalada Beledweyne oo weli dagaalku gaarin.

Sikastaba ha ahaatee, waxaa la filayaa in odaayaal ka soo jeeda labada beelood si dhaqsi ah u kala dhexgalaan dagaalka ka oogmay labada beelood ee wada deggan Gobolka Hiiraan.