Col. C/hi Yuusuf oo horseeday in Maxamed Dheere uu waayo isha ugu weyneed ee dhaqaalaha maamulkiisa, ka dib markii hay’adda gargaarka ay ka baxeen magaalada Jowhar maanta

Buluugleey, Thursday, September 08, 2005 
 

Dharbaaxaddii ugu darneed ee xagga dhaqaalaha ayaa la soo deristay maamulka ka arramiya Magaaladda Jowhar kadib markii Q.M ay maanta kala baxday shaqaalaha ka joogey magaaladda Jowhar ee Gobolka Shabeelaha dhexe ka dib markii maalintii doraad ay soo gaareen magaaladaasi maleeshiyo ka timid gobolka Bari oo taageersan Col. C/hi Yuusuf Axmed.

Arrinta ku dhaqaajisay Q.M in shaqaalaheeda ay kala baxdo magaaladda Jowhar ayaa timid kadib markii ay soo korortay cabsi dagaal ka dhex qarxa qeybaha kala fikirka duwan ee dowlada ay IGAD u soo dhistay Soomaaliya. Sida ay sheegtay haweeyney afhayeen ah oo u hadashay Q.M in 13 ka mid ah shaqaalaha caalamiga ee Joogey magaaladda Jowhar maanta loo kala qaaday magaaladda Nairobi iyo magaaladda Waajid ee gobolka Bakool.

"maleeshiyo hubeysan ayaa la keenay magaaladda Jowhar haddaba marka aan la socodsiiney oo la tashanay xafiiska amaanka Q.M ee New York ayey dabadeed nagu war geliyay inaan shaqaalaha ka soo saarno magaaladda Jowhar” ayey tiri  Sandra Macharia, oo  ah haweeney afhayeen ah oo ka tirsan hay’adda UNDP xafiiska arrimaha Soomaaliya 

Xiisadaan oo dhan ayaa oogantey kadib markii maalintii shalay xubnaha labadda Gole ee fadhigoodu yahay magaaladda Muqdishu ay soo saareen bayaan ay ku war gelinaayeen hay’addaha gargaarka iyo dipolomaasiyiinta joogta Jowhar in ay isaga baxaan magaaladaasi ka dib markii Maleeshiyooyin ku heeb ah Col. C/hi oo ka yimid xero ku taala magaaladda Mustaxiil ee dalka Itoobiya ay yimaadeen Jowhar. 

Maleeshiyada laga soo uruuriyey gobolka Bari oo intooda badan u badnaa dhalintii jiriga, laguna soo xulay qaab calooshi u shaqeystnimo ayaa lagu soo marin habaabiyey iney xoolo iyo derejaba ay ka helayaan iney Xamar xoolaha yaala saamigooda soo dhacsadaan. Dhalinyaradaas oo intooda badan naftooda u qalqaalinayey iney u huraan tahriib ayaa waxaa soo jiitey balanqaadyo hanti iyo darajo oo uu u fidiyey Col. Cabdullahi oo aaminsan Dowlad qabiil inuu ka hirgeliyo Soomaaliya. Dagaaloogahan ayaa ku taamaya hilowga uu u qabo inuu soo nooleeyo boqortooyadii ka jirtey gobolka Bari oo ay hal beel hogaanka inta kala u heysey, wixii dheefana ay keligood ku naaloonayeen.

 Amiin, Buluugleey, Muqdishu. Somalia

---