Danjire  Francois L.  Fall  ergeyga  Qaramada Midoobey ee u qaabilsan arrimaha Soomaaliya ayaa uga digay Profesor Geedi in Soomaaliya loo adeegsado awood ciidan.

Buluugleey August 26, 2005

Danjire  Francois L. Fall ergeyga Qaramada Midoobey u qaabilsan arrimaha Soomaaliya ayaa si ballaaran uga hadlay, wuxuuna yiri, "Soomaaliya ayaan habooneyn in loo adeegsado awood ciidan. Waqtigan la joogana ay umadda Soomaaliyeed u baahanyihiin inay arrimahooda wadahal ku dhameeystaan".  Waxaan meesha ka baxeyso buu yiri MR. Fall  in lawood maquuniyo kadibna  xal la gaari waayo.
Waxaa lagamamaarmaan ah buu yiri Mr. Fall in Ra’isalwasaaraha Geedi  ka waantoobo in Soomaaliya markale ka dhaco dagaal sokeeye ee dad badani ku la’adaan.

Isagoo wareysigiisii sii wato ayuu Mr. Fall shgeegay inuu u socdaali doono dalka Itoobiya si uu ula kulmo madaxda ururka Midowga Afrika oo uu kala hadli doono arrinta  ku saabsan ciidamo keenista Soomaaliya oo uu isagu marnaba ogoleyn.
Mar uu ka warramayey khilaafka  u dhaxeeyo xubnaha dowlada FKG wuxuu yiri, " howsha lagu dhexdhexaadinayo hoggaamiyayaasha sare ee DFKMG Soomaaliya ay tahay howl adag oo waqti dheer qaadan doonta, laakiin aanan marnaba looga maarmin  taageeradda beesha caalamka si ay gacan uga geystaan dib-u-dhiska dalka Soomaaliya.

 Mr. Fall isagoo ka xun dhibaatada haysato dadka Soomaaliyeed wuxuu yiri, " umada Soomaaliyeed waxay soo mareen marxalad adag iyo kadeed ku filan inkastoo dadka Soomaaliyeed yihiin umad wadaagto af keliya, dhaqan keliya iyo diin keliya, hasayeeshee tusaale ha u noqoto, heshiisyadda nabadda ee laga gaaray dagaaladdii ka socday dalalka Burundi, Jamhuuriyadda Dimoqraadiga Kongo, iyo waddanka Ivory Coast.

Wuxuu wareysigii uu siiyey wakaaladda wararka u faafis Qaramada Midoobay ee marka la soo gaabiyo loo ayqaano IRIN ku soo gunaaday "In xalka Soomaaliya uu  ku xiranyahay dadka Soomaalida balse uusan ku xirneen ciidamo shiyeeye iyo xal dibeda kaga yimaado".