Abaaraha aafeeyey dalka Soomaaliya waa mid xil ka saaran dhamaan umadda Soomaaliyeed

Buluugleey Februry 18, 2006

 Abaaraha ba’an ayaa dhibaato weyn gaarsiiyey dad aad u fara badan ee ku dhaqan gobollo ka mid ah koonfurta Soomaaliya. Abaaruhu waxay la kaashadeen xisad colaadeed ee isdaba joog ah ee dhawaanahan naafeeyey gobolladaas.  Abaarahaas ayaa sababay dhimasho iyo macluul waxaana ku xaalufay duunyo aad u fara badan.Sidaas darteed ayaa gobolladaasi ka qaxeen qoysas fara badan waxayna u qaxeen xuduuda Kenya. Waxaana abaaruhu laga cabsi qabaa inay xaalufiso dad iyo duunayaba, hadii aan gurmad deg-deg ah lala soo gaarin.

       Dadweynaha Soomaaliyeed ee ku nool dalka gudahiisa ayaa si bani’aadnanimo ah isku xilqaamay iyagoo si wada jir ah deeq aan kala go’lahayn ilaa haatan walaalahooda abaartu waxyeelleysay ugu deeqayaan.

       Hey’adda Laanta Qeyrta Cas ee caalamiga ah (Red Cross) ayaa haatan bilawdey gargaar deg- deg ah oo la gaarsiinayo dadka ku macluushan abaaraha ee ku dhaqan koonfurta Soomaaliya.

       Dadka Soomaaliyeed meel ay joogaanba waxaa loogu baaqayaa inay gargaar ded-deg ah la soo gaaraan walaalahooda Soomaaliyeed ee abaaraha la ildaran. Gaar ahaan waxaa qof kasta oo Soomaaliyeed laga rajeynayaa inay si gaar ah isku xilqaamaan sidii loola gaari lahaa lahaa gargaar si loo badbaadiyo inta hadhay.

       Dadka Soomaaliyeed ayaa u maqneen dowlad gargaarta, lagana sugeynin waqtiga xaadirka ah inay fiira gaar ah siiyaan ama gacan ka geestaan qoyaska ku la'anaya dalka Soomaaliya.

 

---