Haweeney ka shaqeyneysay howlo samofal oo lagu dilay muqdishol

Buluugleey April 18, 2005

Haweeney Soomaali ah oo u shaqeyneysay hay'adda Swedish oo la yiraahdo International Aid Service ayaa saakay lagu dilay agagaarka isgoyska Taleex ee Magaalada Muqdisho, iyadoo nin Kenyati ah oo la
socday isna la dhaawacay.

Haweeneydaasi oo lagu magacaabo Maryan Maxamed Xasan Kuusow ayaa la sheegay in xiligii la dilayay ay la socdeen nin Kenyatiga ah oo magaciisa la yiraahdi David Kibaki oo isna la dhaawacay iyo waliba
darawalka gaariga uu waday ee dhaawacmay waxaana la sheegay in kooxo maleeshiyo ah ay u taagnaayeen wadada, oo ay la beegsadeen rasaas.

David Kibaki oo dhaawaciisa la dhigay Isbitaalka Madiina ee magaalada Muqdisho ayaa Dr. Sheekhdoon Salaad Cilmi waraesi ay la yeelatay Radio Shabelle u sheegay in dhaawaca soo gaaray ninka Kenyatiga ah uu fududaa, durbadiina laga saaray isbitalka, halka darawalka gaariga oo dhaawaciisa aad u darnaa in uu weli isbitalka lagu daweynayo.

Maryan Maxamed Xasan Kuusow ayaa la sheegay in xiligaasi ay u socotey in seminaar ay u furto koox caafimaad ah oo daaweyso ardeyda iskuulada ee magaalada Muqidsho, lama garanayo sababta dilka keentay, waxaana la sheegay in dad Soomaali ah oo la socday iyada ay ka badbaadeen rasaastii lala beegsaday haweeneydaasi.

Cabdi Maxamed Ismaaciil (Cuud) Muqdisho