Badda Kismaayo ayaa lagu arkay haamo waaweeyn ee dul heebaabaya

Buluugleey April 17, 2005

Waxaa daweynaha agagaarka badda ku teedsan magaalada Kismaayo lagu soo waramayaa inay ka qaxeen markii ay haamo waaweyn oon la aqoon waxa ku kudahooda ku jira ee dul sabeeynayaa biyaha badda.

Warka wuxuu intaa ku darayaa in markii ugu horeysay  soo arkeen kalluumeysato ka ag dhawaa aggaas. Haamahaas oo lagu  qiyaastii  17 feet inay badda kor uga kacsan yihiin lagana arki karo meel meel aad u fog.

Maamulka magaalada Kismaayo ayaa  codsaday gurmad deg- deg ah siddii haamahaas baaritaan cilmiyeysan loogu sameeyn lahaa. Ilaa hadda wax gurmad ah ee codsigaasi ka soo jawaabay weli lama soo sheegin.

Horay ayaa deegaano ka tirsan xeebaha dalka Soomaaliya  lagu arkay haamo kuwaas oo kale ah, dadkuna ku abuuray  cabsi iyo argaggax fara badan.

Xeebaha Soomaaliya  oo noqday meel lala soo beegsado haraaga suntan warshadaha ayaa waxay dhaliyeen xanuuno aan horey looga aqoonin dalka Soomaaliya. Ilaa hadda wax baritaan ah oo rasmi ah weli laguma sameeynin.


 

HOME