Baro Musharaxaaga: "Maanta waxa la taagan yahay xiligii la dooran lahaa oo ay ka mid noqon lahaayeen baarlamaanka Gobolada Waqooyi dadka laga tiro badan yahay(Gabooyaha)" Sidaa waxa Yidhi Musharaxa Gabooyaha ee Xisbiga UCID Xasan SheikhAug-09-2005

Xassan Sheikh Maxamed Aw-Cali Mushara xisbiga UCID oo ka sharaxan Gobolka Hargeysa Xassan Sheikh Maxamed Aw-Cali Mushara xisbiga UCID oo ka sharaxan Gobolka Hargeysa.

Hargeysa-(HWN)-Waxaanu waraysanay midkamida musharixiinta xisbiga UCID oo ka sharaxan gobolka hargeysa kana soo jeeda dadka laga tiro badan yahay oo looyaqaano (gabooyaha).

Waxaanan ka warystay taariikhnololeedkiisa, waxay tahay astaantiisu iyo waxa uu ku doortay, iyo goorta uu ku soo biiray siyaasada iyo waxa uu kaballan qaado shacabkii soo doortay hadii uu kursiga ku guuleysto, iyo waxa uu damacsan yahay hadii laga guuleysto. Waxaana magaciisa layidha:Xassan Sheikh Maxamed Aw-Cali.

S:> Marka hore waxaad warbixin kooban naga siisa taariikh nololeedkaaga iyo shakhsiyadaada adiga  xassan sheikh ?

J:> Mahadsanidiin Fursada aad isiiseen,hadaan warbixin idinka siiyo taariikh nololeedkayga waxaan dhashay sanadkii 1964 waxaan ku dhashay Magaalada Hargeysa malcaamad quraantii ugu horeysay waxaan kagalay malcaamada Sheikh Yoonis ee Magaalada Hargeysa, dugsigi hoose waxaan kabilaabay dugsiga sheikh yuusuf al-kownayan ee Hargeysa ee xaafada daami, dugsigii dhexe waxaan kagalay dugsiga Biyo Dhacay, dugsigii sarena wuxuu ahaa dugsiga FAARAX OOMAAR.

Sanadkii aan kabaxnay secondryga wadanka wax jaamacado ah may jirin waxaan galay labadii sanadood ee la odhan jirey national service oo hay'ad shaqada qaranka ayaa markii aanu shaqada qaran dhamaysanay waxaan nasiib wanaag helay jaamacada LAFOOLE ee wadankii Soomaaliya, intaa dabadeed waxaan u soo shaqeeyey haayado badan oo sama fala sida hayada MSF,IRC oo aan mashruuci diiniga aan gudoomiye ka ahaa iyo haayado kale oo badan, waxa kale oo aan gudoomiye ka ahaa haayada wadaniga ee layidhaahdo SMCA oo u ololaynaysay wax kaqabadka dadka laga tirad badan yahay iyo beelaha Somaliland.

Intii aan yaahada ku jirey ayaan waxaan muujiyey wax qabad badan oo waxaan dhisnay iskuul aan ilaa lixdankii laga dhisin xaafadaha ay dadka laga tirada badan yahay aanay ay degan yihiin, waxaan dhisnay iskuulka daami ee hoose, waxa kale oo aanu baco uga qaadnay haayada UNHCR buulasha ay dadka saboolka ahi ay degan yihhin waxakale oo aanu caawiney Rayislayaasha ay dadka Gabooyuhu ee dan yarta ahi ay ka shaqeeyaan.

Waxanaa beesha gabooyuhu ii magacawday gudoomiye sanadkii 1998 ilaa imikana waan ahay oo aan ugu ololeynayey beelaha laga tirade badan yahay sidii wax loogu qaban lahaa.

S:> Maxaad ku dooratay astaantaada, ujeedo inteele'eg ayey xanbaarsantay, maxayse astaantaadu tahay?

J:>Astaantaydu waa Gari markii hore ee aanay komiishanku aanay na siin calaamadfaha lagu helayey bakhtiyaanasiibka waxaanu moodaynay musharixiin tayadu inuu nin waliba astaantiisa ay dadkiisu ku garanayaan uu isagu sameysanayo, waxaanan arkay musharixiintii aanu xisbiga kuwada jirnay oo calaamadii geelooda u astaanta ahayad sita, aniga xasan ahaana waxaan is idhi waar beeshiinu geel madhaqato ee maxaad astaan ka dhigataa dabadeed waxaan astaan ka dhigtaya Goronyo oon xisbiga u geeyey waxaan ku idhi dadkayagu waxay garanayaan Goroyada waayo waa dad dhaqan u layaan jirey ugaadhsiga, oo maah maah gabooye ayaa tidhaahda ajigu nin deero samy  ayey sabaaliya, wax kasta oo ladurkiyaaba wey fogaadaan markaa hadii aanu nahay dadka laga tirade badan yahay anaga iyo ugaadhu waxaan wadaagnaa abtirsiimo waa waxa lanagu riixay dhaqanka.

S:>Xassan Goorma kugu horeysay oo aad siyaasada ku biirtay ?

J:> waxaan ku soo biirey siyaasada markii xisbiyada lasameeyey waxaan kamid ahaa xisbigii SAHAN oo waxaan ku jirey gudida abaabulka, tan kale ee arimaha bulshada iyana waan ku jirey sidii beesha wax loogu qaban lahaa, markaa waxaan ku jirey siyaasada ilaa todobadii sano ee ugu danbeeyey.

S:> waa maxay barnaamujkaaga siyaasadeed ee aad ololaha aad ku galeysa adiga xassan ahaan?

J:> walaahi koley ololuhu mayara beeshaydu waxay degtaa lixda gobol ee Somaliland oo waxaad arkaysaa beelaha qaarkood oo  ay ka sharanyihiin 25 qof oo markaa waxa beeshayada gabooye ka sharaxan laba qof , marka waxaan aaminsanay inay kuwa gobolka Hargeysa joogaana ay ii codayn doonaan iyo kuwa kaleba.

S:> maxaa wax qabada ee aad tilmaami kartaa oo aad bulshada u qabataya intii aad siyaasada ku jirtay iyo xitaa intii ka horeysay oo aad isleedahay codka shacabka waad ku kasban kartaa?

J:> walaal dawlada kamaan mid ahaan jirin, oo waxaan sameeyey iskuul aan laga dhisin xaafada ay dagaan dadka dan yarta ah ee gabooyaha, waxaan wax u qabtay agoomaha beesha laga tirade badan yahay oo aan haayadaha aan ki xidhiidhiiyey, oo waxaan kagalay kaanbeyn sidii gudniinka fircooniga loo joojin lahaa, waxaan maal gelinay rayislayaasha ay dadka danyartu ay leeyihiin oo aan xitaa raashin uga qaaday, waxaan wax badan ka qabtay xaga arimaha bulshada waxa kale oo aan qabtay inaan dadaal badan kamuujiyey sidii beelaha laga tirada badan yahay wax loogu qaban lahaa.

S:> maxaa kaa lilaahiya xassan sheikh hadii aad kursiga baarlamaanka aad ku guuleysato inaad u qabanayso dadkii ku soo doortay?

J:> anigu beelaha laga tiro badan yahay codka kama doonayo ee waxaan kadoonayaa dadka reer Somaliland oo dhan inay codka isiiyaan, waxaan codka ugu horeeya karabaa inta aaminsan “ina akramakum cindalaahi atqaakum” oo ay cunsiriyada iyo qabiilku ay kaguurtay ayan karabaa codka, waxa kale oo aan codka karabaa taageerayaasha xisbiga UCID oo aan aaminsanay inay yihiin dad aad ubisil, waxaan ballan qaadayaa hadii aan ku guuleysto baarlamaan inaan wax ka q abanayo ta beeshayda iyo ta wadankayga Somaliland sidii uu gooni isugu taagi laha Caalamkana uga mid noqon lahaa Inshaa allah.

S:> hadii lagaa guuleysto, ma ahaandoontaa mid wax qabadkiisa bulsho siiwada, mise halkaa ayaad kaga hadhi?

J:> markaas ayaan aaminsanay inaan dardarta aan kasii kordhinayo waxay xanuun ku heysa qolyihii hore kuraasta ugu soo fadhiistay soomalidu waxay tidhaahda ninkii dhici jirey dhib kumaheysee dhawaan baradkoow ha dheeliyi, markaa anigu awalba kursi kumaan fadhiyin waraaba layidhi hadii kabo laguu tolo kawaran wuxuu yidhi hadii lay tolo waa alxamdulilaah, hadii laguu waayana kawaranbaa layidhi waa rabil caalamin oo awalba kabo maan xidhan jirin,

Markaa hadii aan helo waa al-xamdulilaah hadii aan waayana waa rabilcaalamiin.

Gabagabadii Xassan Sheikh Maxamed Aw-Cali Mushara xisbiga UCID oo ka sharaxan Gobolka Hargeysa .Mobilkiisu waa  number: 402629.

Wariye Mustafe Cabdi Maxamed
Hargeysa,Somaliland.
 


 HOME