Boqortooyada Sucuudiga oo dad Soomaaliyeed masaafurisay

Buluugleey, Juun 7, 2005 

Boqortooyada dalka Sacuudiga ayaa labadii todobaad ee inaga tegay soo masaafurisay dad Soomaaaliyeed oo ay tiradoodu kor u dhaafeyso 1500 oo qofood, Waxaana la sheegayaa in tarxiilku uu itaasi ku ekeen oo wili qaqabashadu socoto.

Ku xigeenka Wasiir Warfaafinta dowlada KMG Mudane Salaad Cali Jeele ayaa shir jaraa'id  uu ku qabtay magaalada Nairobi ugu baaaqay boqortooyada Sacuudiga in ay arintaasi ahayn mid ay masuuliyiinta Soomaaliyeed farxad gelineyso waana wax laga xumaado. Wasiirka wuxuu shir jaraaidkaasi si cad  ugu baaqay in boqortooyda Sacuudiga  ogaadaan in Soomaalida dhibaato badan ka haysato dhinaca amaanka  oo welina dalka ka jirto amaan darro. Sidaas darted aynan waqtigaan xaadirka ah ku habooneyn in Soomaalida la raafo. Waa markii ugu horeysay ee masuul sare oo dowladda FKM ka hadlo  dhibaatada haysato dadka Soomaaliyeed ee ku nool waddanka dibaddisa.

Arrinta masaafurika ayaa ka danbeysay kadib markii ururka Caalamiga ah ee u dodo Xuquuqul Insaanka (Amnesty International) uu qoray warqad cabasho ah ee lagu diidan yahay  sida ay Boqortooyada Sacuudiga xuquuqal aadanaha ugu takrifasho, arintaas oo la xiriirtay markii ay 6 dhallinyaro  Soomaaliyeed qudha Sacuudigu ka goyay iyadoo aan lahayn qareen u doodo. Arritaas oo meel  Soomalida ay dunida ka joogaanba ku cambaareeyeen boqortooyada Saciidiga falkaasi foosha xun .