Xisbiga Midaynta Qaranka Soomaaliyeed oo looga dhawaaqay Muqdisho

Buluugleey July 17, 2005

Xisbi siyaasadeed ee la magac baxay Xisbiga Midaynta Qaranka Soomaaliyeed (National Congress Part) ee marka la soo gaabiyo ah (SNCP) ayaa maanta looga dhawaaqay magaalada Muqdisho. Xaflad si weyn loo soo agaasimay ayaa waxaa lagu qabtay Hotel Amiira.

Xisbigan oo gudoomiye looga dhigay C/shukri Cali Xirsi oo wadanka dibadiisa ku maqan ayaa halkaas waxaa khudabd xiisa leh ka akhriyey isagoo gudoomiyaha  ka wakiil ah Prof. Ciise Maxamed Siyad. Prof. Ciise ayaa si weyn uga hadlay in xisbigu  ku salaysanyahay hormarinta nabadda iyo dib u heshiisiinta umada Soomaaliyeed.

Waxaa kaloo halkaas ka hadlay Siyaasiga caanka ah lagu magacaabo Prof. Maxamed Faarax Jimcaale oo si faah-faahsan uga hadlay ujeedada loo aasaasay xisbiga Midaynta Qaranka Soomaaliyeed taas oo ka mid ah in uu u adeegidda danaha umadda Soomaaliyeed.

 Iyadoo kooban  ujoodooyinka xisbiga waxaa ka  mid ah:

 1.      Ilaalinta iyo difaacidda Jiritaanka Qarannimada iyo
    Madaxbanaanida Shacabka Soomaaliyeed.

2.      Faafinta fikradaha Nabadda Cadaaladda Midnimada Sinnaanta iyo
    hormarinta Bulshada Soomaaliyeed.

3.      Xisbigu wuxuu dhiirro gelinayaa lahaanshaha gaar ahaaneed Suuqa
    xorta ah (free Market) iyo maalgashiga shisheeye (foreign
    investments
).

4.      Xisbigu wuxuu iskaashi la samaynayaa axzaabta siyaasadeed oo
    ay isku aragtida yihiin.

5.      xisbigu wuxuu adkaynayaa Nabad ku wada noolaanshaha iyo
    xiriirka dalalka dariska nala ah.

6.      Xisbigu wuxuu aqoonsanayahay dhammaan shuruucyada iyo
    xeerarka Caalamiga ah ee la wada aqoonsanyahay.

7.      Xisbugu wuxuu difaacayaa Xuquuqul Insaanka iyo Xoriyadda
    Hadalka intaba

Xisbiga Midaynta Qaranka Soomaaliyeed ayaa dad badan saadaalinayaan inuu noqon karo mud dardar cusub geliyo nabadeynta iyo xasilloonida xilligan dalka looga baahanyahay. Xisbigan oo sida looga warbxixiyay u muuqda xisbi aan hubeysneyn ayaa noqon karana mid soo jiita siyaasiyiin badan oo ka badbaadiya khatarta shicibka Soomaaliyeed ku soo fool leh.

 

 

 HOME